Google ADS

MAShTI publikoi rezultatet e Testit të Arritshmërisë , kalueshmëria 52.1%

12:58 | 9 Korrik 2024
E.G

Ministria e Arsimit, Shkencës, Teknologjisë dhe Inovacionit (MAShTI), ka publikuar rezultatet e Testit të Arritshmërisë, të cilit i janë nënshtruar mbi 22 mijë nxënës të klasave të nënta.

MASHTI njofton se këtë vit kalueshmëria në testin e Arritshmërisë në gjithë vendin është 52.1%, shkruan Arbresh.info.

“Arritshmëria në gjuhën shqipe është 56.9%, në gjuhën angleze është 69.3%, në Histori është 57.5%, në Gjeografi është 56.8%, në Matematikë është 43.1%, në Informatikë është 47.4%, në Fizikë është 46.5%, në Kimi është 43,4% dhe në Biologji është 48.8%”, thuhet në njoftimin e kësaj ministrie.

Testi i Arritshmërisë është organizuar në 183 qendra të testimit, ku nxënësit janë sistemuar në 1.658 salla të testimit.

“MAShTI falënderon të gjithë ata që janë përfshirë në procesin e mbajtjes së Testit të Arritshmërisë për kontributin dhe bashkëpunimin e tyre.”, thuhet në njoftim.

MASHTI, bën të ditur se afati i ankesave është deri më 12.07.2024./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm